डा श्याम गुप्त का पद..... विरज....

अजहुं विरज है ब्रज मनभावन ।

अजहुं विरज़ हैं ब्रज की बतियां,चंचल चित्त चुरावन।

अजहुं विरज हैं  ब्रज के बासी  सूधे  सरल  सुहावन  |

भईं विरज़ सब कुञ्ज गलीं,शुचि सुन्दर सुख सरसावन |

विरज़ भये तरु पात पुष्प वन उपवन पवन बहावन  |

अजहूँ वंशी धुनि सुनि पैहैं , रवि-तनया के कछारन  |

जिधों कान्ह खेलत-डोलत, करि लीला पर दुःख हारन |

तरु कदम्ब की छाँह जो साखी,श्यामा-श्याम मिलापन  |

अजहुं विरज़ है ब्रज की या रज, परसी लीला-भावन   |

परसत ही नसि जैहें जग के कलुष औ करम अपावन |

विरज़ होय तन मन निरखे ब्रज, बरसानौ ,वृन्दावन |

कन  कन अजहूँ श्याम सुमिरिहै, मोहन मोह नसावन ||